ပြီးပြည့်စုံတဲ့ဖိနပ်လေးတစ်ရံနဲ့ ကိုယ့်ကိုယ်ကိုယ်ယုံကြည်မှုရှိအောင်နေမယ်

ဖိနပ်ပါးလေးတွေ ဒေါက်ဖိနပ်အမြင့်လေးတွေ၊ အနက်ရောင်ဖိနပ်၊ အဖြူရောင်ဖိနပ်… ရွေးချယ်စရာတွေ များလှသလို မိန်းကလေးအများစုမှာလည်း သူတို့နှစ်သက်ရာဖိနပ်လေးတွေ စုစည်းထားတာရှိကြပါတယ်။ ဖိနပ်ဆိုတာ လူတစ်ယောက်ရဲ့အ၀တ်အစားကို ပိုပြီးကြွရွလှပလာစေသလို ပြီးပြည့်စုံတဲ့ဖိနပ်လေး တစ်ရံကြောင့် ကိုယ့်ကိုယ်ကိုယ်ယုံကြည်မှုအပြည့်ရှိသွားစေပါတယ်။

ဒါပေမဲ့ ဖိနပ်လေးတွေက လူတစ်ယောက်ရဲ့အလှအပကို ထောက်ပံ့ပေးနိုင်သလို သူတို့ကိုယ်တိုင်မှာလည်း ပြဿနာလေးတွေ ကိုယ်စီရှိကြပါတယ်။ စီးပါများလေ ဖိနပ်တွေက ပွန်းပဲ့သွားတတ်ပြီးပဲ့ရွဲ့ သွားနိုင်တဲ့အ တွက် သူတို့ကိုထိန်းသိမ်းရတာခက်ခဲပါတယ်။ တစ်ခါတစ်ရံ မစီးဘဲအချိန်ကြာပစ်ထားမိတဲ့ ဖိနပ်လေးတွေ ကလည်း စီးတဲ့အခါ အဆင်မပြေဖြစ်စေပါတယ်။ အဲဒီတော့ အချိန်တိုင်းဖက်ရှင်ကျနေစေဖို့ ဖိနပ်လေးတွေ ကို ဘယ်လိုထိန်းသိမ်းကြမလဲ။

ဖိနပ်အသစ်လေးတွေမ၀တ်ခင်မှာ

ဖိနပ်အသစ်လေးတွေဝတ်ဆင်တဲ့အခါ တစ်ခါတစ်ရံမှာ ဖိနပ်ပေါက်ဒဏ်ရာလေးတွေဖြစ်တတ်ပါတယ်။ အဲဒါကြောင့် ဖိနပ်အသစ်လေးတွေမ၀တ်ဆင်ခင်မှာ သဲကြိုးကိုဆွဲဆန့်ပေးပါ။ စီးတဲ့အခါနူးညံ့ပြီး ပျော့ပြောင်းနေစေဖို့အတွက် ဖိနပ်အတွင်းထဲမှာ ရေခဲအိတ်ခုထားပေးပါ။ ဒါမှမဟုတ် ရေခဲသေတ္တာထဲမှာ တစ်ညခန့်သိပ်ထားပေးနိုင်ပါတယ်။ ရေခဲကအရည်ပျော်လာတဲ့အခါ ဖိနပ်ကိုပုံစံကကျယ်သွားစေပြီး စီးတဲ့ အခါခြေထောက်ကို သက်သောင့်သက်သာဖြစ်သွားစေပါတယ်။

ဖိနပ်ဝယ်တဲ့အခါ

ဖိနပ်ဝယ်တဲ့အခါအကောင်းဆုံးကတော့ တစ်နေ့လုံးအပြင်သွားပြီးမှ ညနေပိုင်းအချိန်မှာဝယ်တာ ပိုကောင်း ပါတယ်။ နံနက်ပိုင်းအချိန်မှာခြေထောက်က သိပ်လှုပ်ရှားမှုမရှိသေးတဲ့အတွက် သေးငယ်နေပြီး ညနေပိုင်း မှာတော့ တစ်နေကုန်လှုပ်ရှားထားတဲ့အတွက် ခြေထောက်ကအနည်းငယ်ကြီးနေပါလိမ့်မယ်။ အဲဒီလို အချိန်မျိုးမှာ ဖိနပ်အသစ်ကိုစမ်းသပ်စီးကြည့်တာအကောင်းဆုံးဖြစ်ပါတယ်။

ဖိနပ်မှာထင်နေတဲ့အစင်းတွေကိုဘယ်လိုဖျောက်မလဲ

ကိုယ့်ရဲ့သားရေဖိနပ်ကိုတောက်ပပြောင်လက်နေတဲ့ဖိနပ်တွေမှာ အစင်းရာတွေထင်နေတဲ့အခါ ကြည့်ရ ဆိုးလှပါတယ်။ ဒီလို အစင်းရာတွေကိုပျောက်ကင်းဖို့အတွက် Vaseline အရည်ကို အ၀တ်မှာစွတ်ပြီး ဖိနပ်မှာညင်သာစွာပွတ်တိုက်ပေးနိုင်ပါတယ်။

ချော်လဲခြင်းကင်းဖို့အတွက်

တစ်ခါတရံမှာ ဖိနပ်အသစ်တွေက သမံတလင်းမှာ၊ ချောမွေ့ပြောင်လက်နေတဲ့ ကြမ်းပြင်တွေပေါ် တက်တဲ့ အခါ ချော်လဲတတ်ပါတယ်။ အဲဒီလိုချောလဲခြင်းကင်းစေဖို့အတွက် ဖိနပ်အသစ်ကိုမစီးခင်မှာ ဖိနပ်ရဲ့အောက်ခြေမှာ Sand paper နဲ့ပွတ်ပေးပါ။ ဖိနပ်ရဲ့ပြောင်လက်မှုတွေပျောက်သွားပြီး စီးတဲ့အခါချော်လဲခြင်းကင်းစေပါလိမ့်မယ်။

အနံ့ဆိုးများပျောက်ကင်းစေဖို့အတွက်

အခုလိုမိုးရာသီမှာ ရွှံ့၊ ဗွက် အညစ်အကြေးတွေရယ်၊ ခြေထောက်ကထွက်လာတဲ့အဆီတွေကြောင့် ဖိနပ်အတွင်းကနေ အနံ့တွေထွက်တတ်ပါတယ်။ အဲဒီလို ဖြစ်တဲ့အခါ အနံ့ဆိုးတွေကင်းစေဖို့အတွက် ဖိနပ်အတွင်းကို လက်ဖက်ခြောက်အိတ်ထည့်ပြီး တစ်ညခန့်ထားပေးပါ။ လက်ဖက်ခြောက်အိတ်က ဖိနပ် အတွင်းမှအနံ့ဆိုးများကိုစုပ်ယူသွားပါလိမ့်မယ်။ လက် ဖက်ခြောက်ထုတ်အပြင် မုန့်ဖုတ် ဆိုဒါအမှုန့်ကို လည်း အနံ့ဆိုးများ ဖယ်ရှားပေးဖို့အတွက် အသုံးပြုနိုင်ပါတယ်။

သားရေးအနုစားဖိနပ်ကို ဘယ်လိုသန့်ရှင်းရေးလုပ်မလဲ

သားရေအနုစားနဲ့ပြုလုပ်ဖန်တီးထားတဲ့ဖိနပ်တွေက တန်ဖိုးကြီးမားသလို သန့်ရှင်းရေးလုပ်တဲ့အခါ အလွန်သတိထားရပါတယ်။ ဒီလိုသားရေအနုစားဖိနပ်တွေကို သန့်ရှင်းရေးလုပ်ဖို့အတွက် ပေါင်မုန့်ကိုအသုံးပြုနိုင်ပါတယ်။ ဖိနပ်ပေါ်ကအစင်းရာတွေကို ပေါင်မုန့်ဖြင့်ညင်သာစွာပွတ်ပေးလိုက်ရုံဖြင့် အစင်းရာများကို ပျောက်ကင်းစေနိုင်ပါတယ်။

အားကစားဖိနပ်တွေကို သန့်ရှင်းရေးလုပ်တဲ့အခါ

တစ်ခါတရံမှာ ဖိနပ်အသစ်တွေက စီးတဲ့အခါတင်းကြပ်ပြီး ဖိနပ်ပေါက်ဒဏ်ရာတွေဖြစ်စေနိုင်ပါတယ်။ အဲဒီလိုအခါမျိုးမှာ စီးရခက်တဲ့သားရေဖိနပ်တွေကို ခြေထောက်နဲ့အံကိုက်ဖြစ်သွားစေဖို့အတွက် ခြေထောက်ကို ခြေအိတ်အထူဝတ်ပြီး သားရေဖိနပ်မှာစီးလိုက်ပါ။ ပြီးမှတင်းကြပ်နေတယ်လို့ခံစားရတဲ့နေရာကို ဆံပင်အခြောက်ခံစက် (Hair Dryer) သုံးပြီး အချိန်အနည်းငယ်ကြာအောင်မှုတ်ပေးနိုင်ပါတယ်။

ဖိနပ်ကြီးကြီးစီးမိတဲ့အခါ

ကိုယ်ခြေထောက်ထက်အနည်းငယ်ကြီးတဲ့ဖိနပ်မျိုးစီးမိတဲ့အခါ မကြာခဏချော်ထွက်ပြီး လမ်းလျှောက်တဲ့အခါအဆင်မပြေဖြစ်စေပါတယ်။ အဲဒီလိုအခြေအနေမျိုးတွေကို ရှောင်နိုင်ဖို့အတွက် ဖိနပ်ကြီးတာမျိုးစီးမိတဲ့အခါ ကိုယ့်ခြေဖ၀ါးကို Hairspray လေးဖျန်းလိုက်ပါ။ Hairspary မှာပါဝင်တဲ့ ကပ်စေးတဲ့ဂုဏ်သတ္တိက လမ်းလျှောက်တဲ့အခါ ခြေဖ၀ါးနဲ့ဖိနပ်ကို မလျှောအောင်ထိန်းပေးပါလိမ့်မယ်။

သားရေဖိနပ်များမှအစွန်းအထင်းတွေဖယ်ရှားဖို့အတွက်

သားရေဖိနပ်တွေပေါ် မှာဖြစ်တတ်တဲ့မိုးရေကွက်တွေ၊ ရွှံ့ကွက်တွေဖယ်ရှားဖို့ အကောင်းဆုံးနည်းလမ်းကတော့ ဗီနီဂါရည်ကိုသာအသုံးပြုပါ။ ဗီနီဂါရည်က သားရေဖိနပ်တွေပေါ်က အစွန်းအထင်းတွေကို ဖယ်ရှားပေးပါလိမ့်မယ်။

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape