ဖက်ရှင်ကျကျလျှောက်လှမ်းနိုင်ဖို့ လက်ကိုင်အိတ်ထဲ ဘာတွေထည့်ထားကြမလဲ။










မိန်းကလေးတစ်ယောက်အနေနဲ့ လက်ကိုင်အိတ်တစ်လုံးက ဘယ်လောက်အရေးပါတယ်ဆိုတာ သိပြီး သားဖြစ်မှာပါ။ အဲဒီလိုသိပြီးသားပေမယ့်လည်း လိုအပ်တာထက် လိုချင်တဲ့ပစ္စည်းတွေစုပုံပြီး ထည့်လိုက် တဲ့အခါ လက်ကိုင်အိတ်တစ်လုံးက ကျောပိုးအိတ်တစ်လုံးနီးပါးမျှ ကြီးထွားလာပါတော့တယ်။ နိုင်ငံတကာအနုပညာရှင်တွေ… ထားပါတော့ ပြည်တွင်းက အနုပညာရှင်တွေကိုပဲကြည့်လိုက်ပါဦး။ သူတို့ဖက်ရှင်ကျကျ လျှောက်လှမ်းတဲ့အခါ လက်ကိုင်အိတ်ထဲဘာတွေပါသလဲဆိုတာ…။ အဲဒီတော့ ဖက်ရှင်ကျကျနဲ့ လျှောက်လှမ်းဖို့ လက်ကိုင်အိတ်ထဲ ဘယ်လိုအရေးကြီးတဲ့ ပစ္စည်းလေးတွေ ထည့်မလဲဆိုတာ လေ့လာကြည့်ရအောင်…။

သကြားလုံး
ခံတွင်းရနံ့ကောင်းဖို့က ပြောစရာမလိုလောက်အောင်လိုအပ်ချက်တစ်ခုပါ။ အဲဒီလို ခံတွင်းရနံ့လေး သင်းပျံ့နေဖို့အတွက်ကတော့ အရည်အသွေးကောင်းတဲ့ ရနံ့သင်းပျံ့တဲ့သကြားလုံးလေးတွေပေါ့။ Chewing Gum ကျတော့ မေးစရာဖြစ်လာပါတယ်။ တကယ်တော့ လူတကာကြား ပါးစပ်ကို တရစပ်လှုပ်ပြီးဝါးနေတာ မိန်းကလေးဆန်တဲ့ အပြုအမူတော့မဟုတ်ပါဘူး။ အဲဒါကြောင့် သကြားလုံးတွေက အကောင်းဆုံးပေါ့။

မိတ်ကပ်အိတ်
မိတ်ကပ်အသုံးအဆောင်အသေးအမွှားလေးတွေထည့်ထားတဲ့ အိတ်ကလေးကလည်း မိန်းကလေး တစ်ယောက်အတွက် မရှိမဖြစ်ပါပဲ။ အရေးကြီးတဲ့ကိစ္စရှိလို့ ပြင်ဆင်တာဖြစ်စေ၊ မိတ်ကပ်ပျက်သွားလို့ ပြန်လည်ပြင်ဆင်တာဖြစ်စေ မိတ်ကပ်အိတ်ကလေးက မပါမဖြစ်ယူဆောင်သွားရမယ့် ပစ္စည်းလေးတစ်ခုပါပဲ။

ကွန်ဆယ်လာ
ဒါလေးကတော့ မိတ်ကပ်အိတ်ထဲမပါမဖြစ် ယူဆောင်သွားသင့်တဲ့ပစ္စည်းလေးပါ။ ၀က်ခြံတွေဆိုတာ မထွက် လာခင်အထိ လူကိုအသိပေးနေမှာမဟုတ်ပါဘူး။ အဲဒီလိုအလျင်လိုတဲ့အခါမှာ ကွန်ဆယ်လာက အလှအပပြဿနာလေးတွေကို ဖုံးဖိပေးနိုင်တဲ့ မရှိမဖြစ်ပစ္စည်းလေးတစ်ခုပါ။

နှုတ်ခမ်းဆိုးဆေး
နှုတ်ခမ်းဆိုးဆေးကလည်း မိန်းကလေးတိုင်းမပါမဖြစ် ယူဆောင်သွားရမယ့် ပစ္စည်းတွေထဲကတစ်ခုပေါ့။ ကိုယ်နှစ်သက်သမျှ အရောင်တွေအားလုံးတော့ ဘယ်ဟုတ်ပါ့မလဲ။ ကိုယ်နှစ်သက်တဲ့ ကိုယ့်မျက်နှာသွင်ပြင်နဲ့ကိုက်ညီတဲ့ နှုတ်ခမ်းဆိုးဆေးလေးတစ်တောင့်ဆိုရင် အဆင်ပြေပါတယ်။

ရေမွှေး
ခရီးသွားအိတ်ဆောင်ရေမွှေးလေးတစ်တောင့်ကလည်း မိတ်ကပ်အိတ်လေးထဲ မပါမဖြစ်ထည့်သွင်းရမယ့် ပစ္စည်းလေးတစ်ခုပါ။ အလုပ်ပင်ပန်းတဲ့နေ့တွေ၊ စိတ်ဖိစီးမှုများတဲ့နေ့တွေမှာ ကိုယ်အနှစ် သက်ဆုံးရေမွှေးလေးက ကိုယ့်ရဲ့စိတ်ကို သင်းပျံစေမှာသေချာပါတယ်။

လက်ဆေးဆပ်ပြာ
ရုံးကနေအိမ်၊ အိမ်ကနေရုံး သွားလာရတဲ့လမ်းတစ်လျှောက်၊ အလုပ်စားပွဲမှာ အချိန်ပြည့်လုပ်နေချိန် လက်ကိုသန့်ရှင်းဖို့တောင် အချိန်မရှိတာမျိုးကြုံဖူးကြမှာပါ။ အဲဒီအချိန်တွေမှာ တွေ့ကြုံရတဲ့ အညစ်အကြေးပမာဏက စိတ်ကိုညစ်ညူးစေပါတယ်။ အဲဒီအတွက် လက်ဆေးဆပ်ပြာဂျယ်ဘူးလေး တစ်ဘူးကလည်းမပါမဖြစ် ဆောင်ထားသင့်တဲ့ပစ္စည်းတွေထဲမှာ ပါဝင်နေပါတယ်။ 

ခေါင်းစည်းကြိုး
ကိုယ့်ဆံပင်ကအရှည် တိုက်တိုက်ဆိုင်ဆိုင် ပူပြင်းတဲ့ရာသီဥတုနဲ့များပြားလှတဲ့ အလုပ်တွေဆုံလာတဲ့အခါမှာ အဲဒီဆံပင်ရှည်တွေက တစ်ချိန်တုန်းက ဖက်ရှင်ကျခဲ့ပေမယ့် အခုချိန်မှာတော့ စိတ်ရှုပ်ထွေးစရာအခြေအနေ။ မသပ်မရပ်အခြေ အနေတစ်ရပ်ဖြစ်လာပါတော့တယ်။ အဲဒီအတွက် ခေါင်းစည်းကြိုးလေးတွေ ဆောင်ထားတတ်ဖို့လည်းလိုပါတယ်။

အကိုက်အခဲပျောက်ဆေး
တစ်ခါတရံခေါင်းမူး၊ ခေါင်းကိုက်တာတွေ ခြေလက်နာကျင်တာမျိုးတွေ ကြုံရမှာပါ။ အဲဒီလို အချိန်မျိုးမှာတော့ ဘယ်သူမှ ဆေးရုံ၊ ဆေးခန်းအထိ အပင်ပန်းခံပြီး သွားနေနိုင်မှာမဟုတ်ပါဘူး။ အဲဒီအတွက်ကတော့ အကိုက်အခဲပျောက်ဆေးလိုမျိုးလေးသာဆောင်ထားတာအကောင်းဆုံးပါပဲ။

စာအုပ်နဲ့ဘောပင်
ဖုန်းတစ်လုံးရှိနေလို့ မလိုပါဘူးထင်ကောင်းထင်နေပါလိမ့်မယ်။ ဒါပေမယ့် ဖုန်းဆိုတာ ဘက်ထရီးနဲ့အလုပ်လုပ်တာမျိုးပါ။ မမျှော်လင့်ဘဲ ဘက်ထရီလည်းကုန်သွားနိုင်ပါတယ်။ အဲဒီအခါ တစ်စုံတစ်ခုကို ရေးမှတ်ဖို့အတွက် စာအုပ်နဲ့ဘောပင်က လိုအပ်လာပါပြီ။ 

မှန်
မှန်လေးတစ်ချပ်ကတော့ မိန်းကလေးတိုင်းရှိသင့်တဲ့ပစ္စည်းလေးတစ်ခုပါ။ မိတ်ကပ်အသုံးအဆောင်ပစ္စည်းတွေ အိမ်မှာမေ့ကျန်ခဲ့တဲ့အခါမျိုးမှာ၊ ကိုယ့်မျက်နှာကိုယ် မလုံခြုံမှုခံစားနေရတဲ့အခါမျိုးမှာ အလွယ်တကူ ထုတ်ယူကြည့်နိုင်တဲ့ မှန်လေးတစ်ချပ်က အဆင်ပြေသွားပါစေလိမ့်မယ်။

နေကာမျက်မှန်
နေကာမျက်မှန်ကလည်း ယူဆောင်သွားသင့်တဲ့ပစ္စည်းတစ်ခုပါ။ အခုလိုပူပြင်းတဲ့ရာသီဥတုမျိုးမှာ၊ နေရောင်ခြည်ကိုအံတုနိုင်ဖို့အတွက် နေကာမျက်မှန်က အရေးကြီးပါတယ်။ ပြီးတော့ပတ်ဝန်းကျင်ကို အကဲခတ်ချင်တဲ့အခါ နေကာမျက်မှန်လေးတပ်ထားလိုက်တာက အဆင်ပြေဆုံးပဲမဟုတ်ပါလား။


--------------------------------------------------------
ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape

 



Share on Google Plus

0 comments:

Post a Comment