ချစ်သူများနေ့အတွက် ချစ်သူခြင်းဆွဲဆောင်မှုရှိတဲ့ဖက်ရှင်

ချစ်သူများနေ့ဆိုတာလူတိုင်းအကြိုက်တွေ့တဲ့နေ့တစ်ခုတော့မဟုတ်ပါဘူး။ ဒါကအချစ်ကို ဆင်နွဲကျင်းပကြတဲ့ လွတ်လပ်တဲ့နေ့တစ်ရက်မျှသာ…။ ဒါပေမဲ့ တချို့သူတွေကမေးကောင်းမေးနိုင်တယ် ဒီလိုမျိုးသာ အားလပ် ရက်ဘာကြောင့်လိုအပ်မှာလဲ။ လက်တွေ့ကျကျ ကြည့်လိုက်ရင်တော့ တစ်ခါတရံမှာ လူတွေကကိုယ်တွေနဲ့ နီးစပ်တဲ့လူတွေကို အချစ်တွေပြသဖို့ကိုယ့်ရဲ့ကျေးဇူးတင်မှုတွေကိုဖော်ထုတ်ပြသဖို့အတွက် ပြန်လည် အမှတ်ရစေဖို့အတွက် အားလုံးစုစည်းကြတဲ့ နေ့လေးတစ်ခုတော့လိုအပ်ကြပါတယ်။

အဲဒီလို နေ့ထူးနေ့မြတ်တစ်ခုမှာ ဘာဝတ်ဆင်ကြမလဲ။ အားလုံးနီးပါးစဉ်းစားမိကြမှာကတော့ မိန်းကလေး ဆန်ဆန်ပန်းရောင်လေးတွေ၊ အနီရောင်တောက်တောက်လေးတွေ။ ဒါပေမဲ့အရောင်လေးတွေ က ဘာကိုဆိုလိုသလဲဆိုတာလေးတွေ ဦးစွာသိတာဖို့လိုမယ်မထင်ဘူးလား။

ပန်းရောင်

ပန်းရောင်ဆိုတာချစ်စရာကောင်းတဲ့အရောင်တစ်ခုပါ။ ပန်းရောင်ဝတ်စုံလေးရဲ့အဓိပ္ပာယ်ကတော့ 'ပိုးပန်း တာလက်ခံပြီးပါပြီ' တဲ့။

လိမ္မော်ရောင်

လိမ္မော်ရောင်က သန့်စင်မှုကို ကိုယ်စားပြုပါတယ်။ လိမ္မော်ရောင် ၀တ်ဆင်သူကအဆုံးမရှိဖြူစင်တဲ့ စိတ် ၀ိညာဏ်ကို ကိုယ်စားပြုပြီး ချစ်သူများနေ့အတွက်မှာတော့ ၄င်းအရောင်က ဖြူစင်တဲ့အချစ်နဲ့ ပိုးပန်းတော့ မယ်လို့ အဓိပ္ပာယ်သက်ရောက်ပါတယ်။

အပြာရောင်

အပြာရောင်က ပင်လယ်ပြင်ကို ကိုယ်စားပြုပါတယ်။ တည်ငြိမ်အေးချမ်းပြီး ဘယ်အရာမဆို လက်ခံတဲ့ သဘောပါ။ ချစ်သူများနေ့အတွက် အပြာရောင်ကတော့ 'လူလွတ်တစ်ယောက်ဖြစ်ပါတယ်' လို့ဆိုလိုရင်းပါ။

အစိမ်းရောင်

အစိမ်းရောင်ကတော့ နားလည်လက်ခံမှုကိုပြသပါတယ်။ ချစ်သူများနေ့အစိမ်းရောင်ဝတ်ဆင်တဲ့ အဓိပ္ပါယ်ကတော့ 'တစ်စုံတစ်ဦးရဲ့ ချစ်ခွင်ပန်ခြင်းကိုစောင့်ဆိုင်းနေပါတယ်' တဲ့။

အနက်ရောင်

အနက်ရောင်ကတော့ ဆန့်ကျင်မှုကိုပြသနေပါတယ်။ ချစ်သူများနေ့အနက်ရောင်ဝတ်ဆင်တဲ့ အဓိပ္ပာယ်ကတော့ 'အချစ်ကိုစိတ်မ၀င်စားပါဘူးတဲ့'။

အ၀ါရောင်

အ၀ါရောင်ကတော့အချစ်မှာကျရှုံးခြင်းကြောင့်ဖြစ်ပေါ်လာတဲ့ဒေါသမီးကို ကိုယ်စားပြုဖော်ပြပါတယ်။ ချစ်သူများနေ့မှာတော့ အသည်းကွဲဝေဒနာခံစားနေရသူများက အ၀ါရောင်ဝတ်ဆင်ပြီး ၀မ်းနည်းဆုံးရှုံးမှုကိုဖော်ပြပါတယ်။

အနီရောင်

အနီရောင်ကတော့ ရပ်တန့်လိုက်ဖို့အချက်ပြအရောင်ပါ။ ချစ်သူများနေ့မှာ ၀တ်ဆင်တဲ့အနီရောင်ကတော့ 'အချစ်ကိုစိတ်မ၀င်စားပါဘူး'တဲ့။ အနက်ရောင်နဲ့အဓိပ္ပာယ်ဆင်ဆင်တူပါတယ်။

မီးခိုးရောင်

မီးခိုးရောင်ကလည်းအနီရောင်နဲ့အဓိပ္ပာယ်ဆင်တူပါပဲ။ ဘာကိုမှ စိတ်မ၀င်စားပါဘူးတဲ့။

အဖြူရောင်

အဖြူရောင်ကအချစ်ကိုပျော်ဝင်စီးမြောတဲ့အရောင်ဖြစ်ပါတယ်။ အချစ်မှာအရောင်ကအများကြီးရှိပြီး အဖြူကတော့ဘယ်အရောင်ကိုမဆိုလက်ခံနိုင်စွမ်းရှိပါတယ်။ ချစ်သူများနေ့ရဲ့အဖြူရောင်ကတော့ 'ပိုင်ရှင်ရှိပြီးသားပါ' တဲ့။

ကိုယ်ရဲ့ကိုယ်ရည်ကိုယ်သွေး၊ ကိုယ်ဘယ်သူဆိုတာထင်ဟပ်ပေါ်လွင်နေဖို့က အရေးကြီးပါတယ်။ ဘယ်လိုဝတ်လိုက်ရင် လှပသွားမယ်ဆိုတာထက် ဘယ်လိုကပိုကြည့်ကောင်းတယ်ဆိုတာ စွဲစွဲမြဲမြဲမှတ်သားထားပါ။

စိတ်လှုပ်ရှားနေတဲ့အခါ၊ ရှက်ရွံနေတဲ့အခါ ၄င်းကိုဖုံးကွယ်ဖို့အတွက် တောက်ပနက်မှောင်တဲ့အရောင်ကို ဦးစားပေးဝတ်ဆင်ပါ။

ကိုယ့်ချစ်သူက အံအားသင့်သွားစေမယ် Surprise Date လေးအဖြစ်ချိန်းဆိုတဲ့အခါ ဘာဝတ်ရမလဲ ကိုယ်တိုင်ဆုံးဖြတ်တာထက် ဘာဝတ်ရမလဲဆိုတာသဲလွန်စလေးတောင်းဖို့ဘယ်တော့မှမမေ့ပါနဲ့။

အပြုအမူတွေကလည်းအရမ်းအရေးကြီးပါတယ်။ စကားတွေ တရားလွန်အများကြီး မပြောမိပါစေနှင့်။ နောက်မကျပါစေနှင့်။ စားသောက်ရင်းပါးစပ်အကျယ်ကြီးဟပြီး စကားမပြောပါနှင့်။မိန်းကလေးတွေ အနေနဲ့လိင်ဆွဲဆောင်မှုရှိရှိဝတ်စားဆင်ယင်တဲ့အခါမှာ အလွန်အကျွံမဖြစ်စေဖို့တော့ သတိပြုပါ။

ဝတ်ဆင်တဲ့အခါနေရာပေါ်မူတည်ပြီးစဉ်းစားတာအကောင်းဆုံးပါပဲ။ ကိုယ့်ရဲ့အ၀တ်အစားကိုပိုပြီး တောက်ပလာစေဖို့အတွက် လိုက်ဖက်တဲ့ဒေါက်မြင့်ဖိနပ်လေးတွေ၊ အဆင်တန်ဆာလေးတွေ တွဲဖက်ဝတ်ဆင်ပါ။

မိတ်ကပ်အလွန်အကျွံလိမ်းခြယ်ခြင်း၊ ရေမွှေးအလွန်အကျွံအသုံးပြုခြင်းရှောင်ပါ

အချစ်ကိုသရုပ်ဖော်ခြင်း၊ ၄င်းအချစ်ကိုလက်ခံခြင်းဆိုတာမှာ စကားလုံးတွေအမြောက်အများမလိုအပ်ပါဘူး။ တစ်ယောက်နဲ့တစ်ယောက်ချစ်ကြတဲ့ချစ်သူနှစ်ဦးအနေနဲ့ ချစ်သူများနေ့မှာ ဘယ်လိုဝတ်ဆင်တယ်ဆိုတာ သိပ်ပြီးအဓိကမကျလှပေမယ့် တစ်နှစ်မှာတစ်ခါကျရောက်တဲ့ ဖေဖော်ဝါရီ ၁၄ရက်နေ့ချစ်သူများနေ့မှာတော့ ကိုယ့်ကိုယ်ကိုယ်အလှဆုံးပြင်ဆင်ပြီး ကိုယ့်ချစ်ခြင်းကိုဖော်ပြမယ်ဆိုရင်ဖြင့်…။

--------------------------------------------------------

ရသစုံလင် အနုပညာဖျော်ဖြေမှု ကောက်ကြောင်းများကို Shape Entertainment မှာ ဖတ်ရှုလိုက်ပါ ...

www.facebook.com/shapejournal
www.facebook.com/groups/weloveshape